Godinama unazad najponosniji smo rekonstrukcijom pedijatrijske hematologije, čime smo uspjeli da stvorimo uslove da boravak djece i majki na odjeljenju bude sto lakši, da se mali pacijenti osjećaju kao kod kuće. Odjeljenje je 2017. godine opremljeno kuhinjom koja omogućava majkama da pripreme zdrav obrok za svoju djecu u bilo kom trenutku tokom hemoterapije. Vremenom je inventar dotrajao i Udruženje je došlo na ideju da kupi sve potrebno.Naša aktivnost kupovine novog inventara naišla je na podršku kroz donaciju kompanije Azmont Investments. Kupljen je inventar u vrijednosti od oko 685,00€. Njima se ovim putem zahvaljujemo na uključivanju u našu priču i odvajanju dijela sredstava za obnovu kuhinjskog inventara dječijeg hematološkog odjeljenja.
